Aleanca për Shqiptarët-krahu i Selës, ka bërë të ditur se nuk e mbështesin interpelancën ndaj kryetarit të Kuvendit, Afrim Gashi, që siç thonë, nuk kanë qenë kurrë në një linjë me ata që duan ta zhbëjnë ekzistencën kombëtare shqiptare, shkruan in7.tv. ASh tha se Apasievat dhe të ngjajshmit e tyre, tek ata i gjejnë vetëm kundërshtarët dhe asnjëherë aleatët.
“Ne kurrë s’kemi qenë në një linjë me ata që duan të zhbëjnë ekzistencën kombëtare shqiptare, fatkeqësisht të tillët sot flasin në të dy gjuhët në Maqedoninë e Veriut. Apasievat dhe të ngjajshmit e tyre tek ne do të gjejnë vetëm kundërshtarin dhe asnjëherë aleatin. Nga ana tjetër, Aleanca për Shqiptarët nuk do ta shnëdrrojë në normë morale pabesinë dhe tradhëtinë duke i dalë në mbrojtje të njëjtës. Afrim Gashi me klikën e tij është personifikim i pabesisë dhe dëshirës për pushtet, duke shkelur mbi gjithçka, edhe mbi verdiktin e shqiptarëve dhe ardhmërisë së tyre. Të tillët si Gashi, Kasami, Mexhiti dhe vlera e shtuar e kësaj pabesie, Taravari, tek ne do të gjejnë vetëm përbuzje dhe injorim”, thotë ASH-krahu i Selës