Dita e tretë e debatit për rebalancin e buxhetit. Opozita kritikon se me tejkalimin e arkës shtetërore nuk do të ketë para për paga më të larta dhe investime kapitale. Punëtorët do të marrin të ardhura më të larta, u përgjigjën deputetët e shumicës parlamentare, duke theksuar se me rebalancin sanohet cunami ekonomik i LSDM-së dhe BDI-së. Nga ai ekonomik, debati kaloi në politik.
“Qytetarëve të Maqedonisë i ka ardhur në maje hunde nga shifrat, ju i keni lënë pa para, ju nga viti 2017 deri në vitin 2024 u premtuat se do të fluturojnë gomarë, a po fluturojnë këto gomarë? Andaj jeni këtu ku jeni. Për shkak se shpenzonit para për formimin e grupit të Viberit për komunikim, andaj jeni këtu, për shkak se gomari nuk fluturonte kolege”, tha Dafina Stojanovska, VMRO-DPMNE.
“Kolege gomarët nuk fluturojnë, por 2.2 milion duhet të paguhen si dënim të kthehen paratë nga fondet europiane për keqpërdorimin e parave që i keni bërë në vitin 2016. Kështu që në kohë kur nuk e udhëhiqte atë institucion LSDM-ja, flasim nga viti 2016, kontrollojeni këtë”, shtoi Daniella Nikollovska, LSDM.