Komisioni i veçantë i cili duhej të konstatonte shkeljet, parregullsitë dhe tejkalimin e kompetencave për dhunën e ushtruar ndaj kapitenit shqiptar në Krivollak, pjesë e kursit përzgjedhës për njësinë elitare “Ujqit”, nuk ka sjell asnjë rezultat. Alsat jo zyrtarisht mëson se komisioni nuk ka arritur të sjell konstatimin për faktin se nuk ka kontaktuar me ushtarin e dëmtuar për shkak se i njëjti ka hapur pushim mjekësorë. Ndonëse në situata të tilla nuk merret në konsideratë statusi juridik i ushtarit, komisioni ka vlerësuar se nuk mund të konstatohet dhe për këtë arsye 17 ditë pas sulmit ndaj kapiteni, nuk ka përgjegjësi për sulmuesit që në këtë rast dyshohen kolegë nga kursi seleksionues për pjesëtarë të Batalionit për Forca Speciale “Ujqit”.
Burime nga familja e kapitenit thonë se ai nuk ka angazhuar avokat për procedurën e tij penale ndaj Shtabit të Përgjithshëm e cila sipas informacioneve tona akoma nuk ka nisur. Gjendja e tij shëndetësore mësohet të jetë stabile, por si do të veprojë tutje kapiteni i 130 ushtarëve autoriteti i të cilit u vë në pikëpyetje pas sulmit që dyshohet të jetë skenarë i mirë gatuar nga struktura të larta ushtarake, kjo mbetet të shihet në vijim.
Sulmi ndaj tij ndodhi më 3 qershor në Krivollak gjatë ushtrimeve të kursit përzgjedhës. Në mënyrë të organizuar u dërgua në Klinikën Universitare, ndërsa më pas në Spitalin Psikiatrik “Bardovcë”. Ky veprim i kolegëve të tij mësohet të jetë bërë kastile që kapitenin shqiptar ta nxjerrin si person me të meta psikike, që do ta diskualifikonte atë nga gara për në njësinë elitare. Është tentuar edhe fshehja e procesverbalit dhe mos evidentimi i rastit, ndërsa burime nga spitali psikiatrik thonë se pasi e kanë dërguar kapitenin shqiptar, grupi që dyshohet në mesin e tyre t’i ketë përfshirë edhe sulmuesit janë fotografuar në mënyrë triumfaliste në oborrin e spitalit.
Kapiteni shqiptar, identiteti i të cilit është i njohur për redaksinë tonë bën pjesë në grupin e ushtarëve më të përgatitur, i dalë nga akademia ushtarake me suksese maksimale dhe i dëshmuar në misione të ndryshme ushtarake brenda dhe jashtë vendit. Ai ishte ndër të paktit persona që kanë aplikuar në kursin përzgjedhës për njësinë elitare “Ujqit” i cili zgjatë deri më 25 qershor. Tendenca e strukturave ushtarake brenda Shtabit të Përgjithshëm dyshohet të ketë qenë porosia për pasojat nga pushteti në ardhje, por edhe frika ndaj pjesëtarëve tjerë shqiptarë që të heqin dorë para se ta pasojnë si kapiteni shqiptar. /Alsat.mk