Kreu i VMRO-DPMNE-së, Hristijan Mickoski tha se qeveria që do ta formojë ai, do ta respektojë Marrëveshjen e Prespës derisa ligjet dhe Kushtetuta të jenë të këtilla, siç janë tani. Mickoski tha se për atë personalisht, atdheu i tij në çdo deklaratë do të mbetet “Maqedonia”. Lidhur me reagimet e Athinës zyrtare, Mickoski tha se “janë histeri parazgjedhore në Greqi”.
“Nuk pres marrëdhënie talibane. Censurim të së drejtës elementare të njeriut, ndërsa gjithçka që përmban Marrëveshja e Prespës dhe që është pjesë e sistemit tonë juridik dhe rendit kushtetues, qeveria e ardhshme e VMRO-DPMNE-së atë do ta respektojë. Për mua, atdheu im në çdo deklaratë timen është Maqedonia dhe do të mbetet Maqedonia, komunikimi i plotë institucional që është pjesë e ligjeve dhe Kushtetutës do të respektohet, deri sa këto ligje dhe Kushtetuta janë në fuqi, ashtu siç janë”, deklaroi Mickoski.