Kryeministri Albin Kurti, duket se fare nuk u shqetësua nga kritikat e ministrit të tij Liburn Aliu, i cili e quajti gabim përfshirjen e Kurtit në zgjedhjet në Luginë.
Kurti, përkundrazi e përforcoi qëndrimin e tij duke thënë se VV vendos se kënd ta mbështes në ShBA e BE e lëre më në Preshevë.
“Vetëvendosje e ka qëndrimin e qartë dhe merr vendimet në organet e veta. E kemi mbështetur edhe Shaip Kamberin, aty kanë qenë dy blloqe, dhe jemi përcaktuar ta mbështesim bllokun e Shaip Kamberit. Unë jam kryeministër i Kosovës, dhe kryetar i VV-së, unë flas publikisht se kush duhet mbështetur edhe në BE e në Amerikë, e lëre më në Ulqin e Preshevë. Por jo vetëm kaq, duhet theksuar se të gjitha partitë në Kosovë e Shqipëri, mbështesin kandidatë të caktuar, unë këtë e bëj hapur, jo vetëm në terren por e bëj publikisht. Është shumë mire.” – u shpreh Kurti. Nacionale