Përballja e parë televizive mes dy kandidatëve shqiptarë për President u zhvillua në TV21. Kandidati i Frontit Europian Bujar Osmani dhe ai i koalicionit VLEN Arben Taravari shpalosën platformat e tyre për garën zgjedhore, duke argumentuar se pse qëndrojnë në atë program dhe duke ballafaquar idetë dhe mendimet që kanë për të ardhmen e vendit. Në fund i zgjatën dorën njëri-tjetrit, e madje shkëmbyen edhe programet.
Qytetarët që e kanë parë debatit dhe që i anketuam në Shkup dhe Tetovë, e vlerësojnë atë të një niveli të lartë, si mes dy intelektualëve. Rrethi i parë i zgjedhjeve presidenciale mbahet më 24 prill, ndërsa rrethi i dytë më 8 maj, ditë kur qytetarët do të votojnë edhe për deputetë.