Aleanca për Shqiptarët mbajti takim përmbyllës me gazetarët
Mbrëmë, Aleanca për Shqiptarët (ASH) organizoi një takim me gazetarët për të përmbyllur vitin 2024. Kryetari i partisë, Ziadin Sela, prezantoi një pasqyrë të zhvillimeve politike dhe ngjarjeve të brendshme partiake gjatë këtij viti.
Gjatë fjalimit të tij, Sela kritikoi situatën e rënduar të politikës shqiptare në vend, duke theksuar diskriminimin dhe të drejtat e shumta që, sipas tij, po u hiqen shqiptarëve në një periudhë të shkurtër kohe.
Ai u ndal gjithashtu te largimet brenda partisë, duke bërë një deklaratë të drejtpërdrejtë:
“Nga ASH u larguan ata që e panë partinë si biznes dhe opsion që vetëm përkohësisht të merren me politikë!”
Takimi u fokusua në qëndrimet e partisë ndaj qeverisë dhe sfidave që e presin Aleancën për Shqiptarët në vitin e ardhshëm.