Presidenti i Shteteve të Bashkuara, Donald Trump, ka shkruar përsëri në rrjetin “Truth Social”, pak minuta pasi tha se Irani dhe Izraeli e kishin shkelur marrëveshjen e armëpushimit që amerikani e kishte njoftuar para disa orëve.
Kësaj radhe, kreu i Shtëpisë së Bardhë shkroi: “Izraeli nuk do ta sulmojë Iranin. Të gjithë aeroplanët do të kthehen dhe do të nisen për në shtëpi, ndërkohë duke i bërë Iranit një “valë aeroplanësh” miqësore. Askush nuk do të lëndohet, armëpushimi është në fuqi! Faleminderit për vëmendjen tuaj për këtë çështje! Donald J. Trump, president i Shteteve të Bashkuara”