Deputeti i Vetëvendosjes, Xhelal Sveçla, njoftoi se janë gjetur një arsenal armësh në fshatin Vallaq të Zvepanit, dhe se armët janë kapur në një objekt të politikanit serb, Aleksandar Arsenijeviq.
“Sipas informacioneve që kam pranuar, armatimi i rëndë është gjetur në një objekt që i përket politikanit Aleksandar Arsenijevic”, tha Sveçla.
Xhelal Sveçka thotë se arsenali armësh i kapur ishte i sasisë së mjaftueshme për një njësit terrorist.
Postimi i plotë:
Sot, njësitet relevante të Policisë së Kosovës në bashkëpunim me AKI dhe prokurorinë me monitorim nga KFOR dhe Eulex, kanë realizuar një bastisje në fshatin Vallaq të Zveçanit, ku janë gjetur raketahedhës dore (zolla), granata dore, tronblonë, armë dhe municion i llojeve të ndryshme.
Një arsenal i tërë i mjaftueshëm për një njësit terrorist. Sipas informacioneve që kam pranuar, armatimi i rëndë është gjetur në një objekt që i përket politikanit Aleksandar Arsenijevic.
Krimi nuk mund të fshihet kurrë, pavarësisht petkut që vesh. Veçanërisht përballë institucioneve tejet vigjilente e profesionale që po punojnë pa u ndalur në ofrimin e sigurisë e sundimit të rendit e ligjit në çdo cep të territorit të Republikës së Kosovës.
