ASh Sela ka reaguar për normën e inflacionit, njofton in7.tv
“Qeveria aktuale për vetëm një vit ka shkatërruar ekonominë e vendit e veçanërisht atë familjare deri në nivele fatale, duke rrënuar edhe shtresat e mesme buzë kategorisë sociale.
Kjo Qeveri rriti vetëm 10-20% pagat në sektorin publik dhe pensionet, ndërsa lejoi dhe nxiti rritjen e çmimeve të produkteve dhe shërbimeve për 50 deri në 100%. Kjo Qeveri nuk krijoi as zhvillim e as stabilitet ekonomik, por bleu paqë të rrejshme duke lejuar kompanitë private dhe tregtarët të rrisin çmimet në mënyre të pakontrolluar dhe jashtë çdo logjike ekonomike. Institucionet shtetërore jo vetëm që nuk kanë vepruar me masa ekonomike, por kanë heshtur edhe përballë keqpërdorimeve dhe shtrenjtimeve absurde.
Qeveria VMRO-VLEN vazhdon të mbaje fshehtë edhe ndarjen e mjeteve për kompanitë private nga kredia hungareze dhe nuk jep llogari as për kriteret e as për listën e kompanive që kanë përfituar.
Kjo Qeveri me shumë populizëm në retorikë, është qeveria më antipopullore në praktikë. Andaj, zgjedhjet e Tetorit janë një referendum dhe mundësia për tu dhëne përgjigjen mbarë popullore.
– Aleanca për Shqiptarët”, thuhet në reagim.