Pas refuzimit nga zyrtarët më të lartë të partisë së tij kreu i Aleancës për Shqiptarët, Arben Taravari është bërë pishman duke luajtur një lojë me opozitën shqiptare. Në pyetjen e TV21 se si e komenton reagimin e kryetarit të Kuvendit Qendror, Ziadin Sela, i cili e quajti akt qyqar statusin e tij për qëndrim “pro” koalicionit me opozitën shqiptare, kreu i ASH-së, Arben Taravari tha se qëndrimi i shprehur është personal dhe se do ta respektonte vendimin ndryshe të Kuvendit Qendror.
“Është vendimi im personal si Kryetar Partie, pres përkrahje prej Kuvendit. Nëse vendimi i Kuvendit është ndryshe e pranoj me patjetër”, tha Taravari për TV21.