Më 27 janar 2025, në orët e vona të natës, tabelat dygjuhëshe në hyrje të Kumanovës në autostradë janë zëvendësuar me tabela vetëm në gjuhën maqedonase. Ky ndryshim ka shkaktuar reagime të shumta nga qytetarët, të cilët e cilësojnë këtë veprim si diskriminues dhe kërkojnë përgjigje nga institucionet përgjegjëse.
Pavarësisht reagimeve, deri tani nuk ka pasur ndonjë prononcim zyrtar nga autoritetet për arsyet e këtij ndryshimi. Qytetarët kërkojnë që tabelat dygjuhëshe të rikthehen, duke theksuar rëndësinë e respektimit të gjuhës shqipe si një nga gjuhët zyrtare në vend. Deri më tani, nuk ka pasur asnjë reagim as nga koalicioni VLEN.