Mediat shtetërore iraniane kanë bërë të ditur se kreu i Gardës Revolucionare të Iranit, Hossein Salami, është vrarë pas një sulmi ajror nga Izraeli.
Siç shkruan CNN, i vrarë ka mbetur edhe ish-kreu i Organizatës së Energjisë Atomike të Iranit, Fereydoon Abasi.
Salami ishte një nga liderët më të lartë të Iranit, teksa një zyrtar izraelit ka thënë se sulmet kishin objektin “programin bërthamor të Iranit dhe objektiva të tjera ushtarake”.
Në reagimin e iranianve gjithashtu theksohet edhe një numër i madh i shkenxëtaeëve të vrarë gjatë sulmit:
Me pikëllim të thellë dhe krenari të palëkundur, ne njoftojmë martirizimin e komandantëve të lartë të Trupave të Gardës Revolucionare Islamike (IRGC) – Gjeneral Major Mohammad Bagheri (Shefi i Shtabit të Përgjithshëm të Forcave të Armatosura), Gjeneral Major Gholam Ali Rashid (Komandanti i Shtabit Qendror Khatam al-Anbiya) dhe Gjeneral Major Hossein Salami (Komandanti i Përgjithshëm i IRGC) – si dhe një numër shkencëtarësh të nderuar, bashkëqytetarësh dhe veçanërisht grash dhe fëmijësh të pafajshëm në një sulm ajror kriminal dhe agresiv nga regjimi sionist.