Struga Trim Lum sot përballet me Sllovan Bratisllaven në ndeshjen e kthimit të raundit të parë eliminator të Ligës së Kampionëve. Pavarësisht disfatës 4:2 në ndeshjen e parë, në klubin strugan mbizotëron atmosferë pozitive, me kampionët e vendit të cilët duken të gatshëm për të dhënë maksimumin në këtë përballje.
Ekipi fitues në raundin e dytë eliminatorë të Ligës së Kampionëve do të përballet me kampionët e Sllovenisë, NK Celje, që edhe në ndeshjen e kthimit mundi kampionët e Estonisë, Flora Talin, ndërkohë ai humbës do të luaj me Pjunik nga Armenia, që humbi duelin e turit të parë kundër Dinamo Minsk nga Bjellorusia.
Në prag të ndeshjes Struga Trim Lum – Sllovan Bratisllava, ka folur trajner i struganëve Qatip Osmani. Osmani u shpreh optimist se ekipi i tij mund të përmbysë rezultatin nga ndeshja e parë dhe të avancojë në raundin e radhës.