Sipas të dhënave të publikuara nga Agjencia e Statistikave të Kosovës (ASK), nga janari deri në maj të këtij viti janë regjistruar plot 641 raste të shkurorëzimeve, që do të thotë se mbi 600 çifte kanë vendosur t’i japin fund martesës së tyre.
Vetëm gjatë muajit maj janë regjistruar 113 raste, megjithatë kjo shifër përfaqëson një rënie prej 19% krahasuar me muajin prill, thuhet në raportin zyrtar të ASK-së.
“Sa i përket shkurorëzimeve të ndodhura në Kosovë për muajin Maj janë 113 raste, krahasuar me muajin Prill kemi rënie të numrit të çifteve të shkurorëzuara për (-19%)”, theksohet në të dhënat statistikore.
Sa i përket shpërndarjes gjeografike të rasteve të shkurorëzimeve në muajin maj, Prizreni kryeson me 16 raste, i ndjekur nga Peja me 15 raste, Mitrovica dhe Istogu me nga 7 raste dhe qytete të tjera me shifra më të ulëta.
Ky trend ngre pyetje serioze mbi faktorët që po ndikojnë në rritjen e ndarjeve bashkëshortore në vend – një temë që mbetet hapur për debat.