Në Gjykatën Themelore të Prishtinë, sot pritet të mbahet seanca për fjalën përfundimtare ndaj Bedri Krasniqit, i akuzuar për kanosje ndaj Shkumbin Mehmetit.
Seanca pritet të zhvillohet në orën 13:00., raporton Arbresh.info
Lajmin për Arbresh.info e konfirmoi zëdhënësja e gjykatës, Mirlinda Gashi.
“Në orën 13:00 mbahet seanca për fjalën përfundimtare”, tha ajo shkurt.
Ndryshe, sipas aktakuzës së ngritur më 31 tetor 2019, më 18 prill 2019 në rrugën prej Burgut të Sigurisë së Lartë në Gërdoc të Podujevës, në drejtim të Prishtinës, tani i akuzuari Bedri Krasniqi me qëllim të frikësimit apo shkaktimit të ankthit, e ka kanosur me fjalë të dëmtuarin Shkumbim Mehmeti gjatë transportimit të tij për në Pallatin e Drejtësisë në Hajvali.