Shpërthimi i cisternës me acid në Minierën e Trepçës, policia: Rasti është duke u hetuar

Policia e Kosovës ka thënë detaje për shpërthimin e cisternës me acid në Minierën e Trepçës gjatë ditës së djeshme.

Rasti është cilësuar si “lëndim aksidental”.

Për pasojë policia njofton se lëndime kanë marrë 12 persona, të cilët janë dërguar për trajtim mjekësor në Spitalin e Mitrovicës.
Prej tyre dy janë ndaluar në trajtim të mëtutjeshëm ndërsa 10 janë liruar në shtëpi.

Rasti është duke u hetuar.

“LËNDIM AKSIDENTAL“

Fsh. Stanterg, Mitrovicë / 17.01.2024 – 12:00. Raportohet se në rrethana të panjohura në minierën e Trepçës ka shpërthyer një cisternë me acid ku lëndime trupore kanë pësuar 12 persona. Të lënduarit janë dërguar në tretman mjekësor në spitalin e Mitrovicës, ku pas tretmanit dy janë ndaluar në trajtim të mëtutjeshëm ndërsa 10 janë liruar në shtëpi. Në vendngjarje kanë dalë njësitë përkatëse. Rasti është duke u hetuar”, thuhet në raportin e Policisë së Kosovës.

Miftar Mehmeti, njëri prej minatorëve të lënduar sot nga shpërthimi i acidit sulfurik ka treguar se si ka ndodhur ngjarja në ndërmarrjen Trepça.

Ai ka theksuar se shpërthimi i sotëm mund të jetë për shkak të kushteve jo të mira në të cilat punojnë minatorët e Trepçës.

Po ashtu, Mehmeti ka bërë thirrje nga ekzekutivi që të mendojnë, punojnë e veprojnë për minatorët dhe të përmirësojnë kushtet e punës për ata.

“Për momentin nuk jam aq mirë, nuk kam qenë mirë që nga mesdita kur ka ndodhur aksidenti, kam probleme shumë me frymëmarrjen. Unë nuk kam pas kontakt drejtpërdrejtë me acid por për shkak të ngufatjes duke ua dhënë ndihmën e parë kolegëve që kanë qenë të alivanosur në gjendje kritike nga gjysma e rrugës, jam alivanosur edhe unë, edhe më janë shfaqur këto probleme”, tha Mehmeti, për Klan Kosova.

“Unë nuk kam duke i pastruar gypat sepse jam me pozitë ndihmës-xehetari, kam qenë duke u kthyer për punishte me kolegen tim, i kemi parë punëtorët duke vrapuar edhe në atë moment nuk e kam ditur se çfarë ka qenë duke ndodhur. Kam vrapuar pa hamendje, ka qenë një kundërmim i madh, edhe kishte si lloj tymi apo mjegulle, edhe kemi filluar t’ua japim ndihmën e parë kolegëve, minatorë. Edhe disa kolegëve të tjerë me mua ua kemi dhënë të tjerëve ndihmën e parë, jo vetëm unë”.

“Unë për 12-vite jam punëtor në Trepçë, nuk ka pasur këso problemesh, mund të ndodh çdo gjë sepse kushtet në të cilat jemi duke punuar ne, janë tmerr. Mundet të vijë edhe ndonjë gjë më e madhe me fatalitet”, tha Mehmeti.

lajmet e fundit

Goditet nga energjia elektrike, humb jeten 19 vjeçari nga Shkupi

Në ora 23:43 në SPB Shkup është raportuar se L.L (19) nga Shkupi ka ndërruar jetë në një festë në shtëpi. Sipas raportit, pas...

Presidentja Osmani mikpret këngëtaren me famë botërore Bebe Rexha

Presidentja e Kosovës, Vjosa Osmani ka pritur sot në takim këngëtaren e njohur me famë botërore Bebe Rexha. E para e shtetit Vjosa Osmani...

Zbardhet vrasja në Debresh! Arrestohen tre persona, konfiskohet arma dhe vetura

Ministria e Punëve të Brendshme ka njoftuar se është zbardhur vrasja në Debresh të Gostivarit, ku janë arrestuar tre persona dhe ndaj të cilëve...

Pas 13 ditëve në flakë, shuhet zjarri në malin Serta

Zjarri afër Sertës është shuar tërësisht pas 13 ditëve luftë me stihinë e zjarrit, informoi sot komandanti i Njësisë territoriale zjarrfikëse Negotinë, Stole Atanasov. Situata...

Aksident në Kumanovë, dy të lënduar rëndë

Një aksident ka ndodhur këtë pasdite në Kumanovë. Nga terreni mësohet se dy vajza janë lënduar rëndë, pasi u ndeshën me një veturë tjetër...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu