Likovë, Qershor 2025 – Në kohën kur debati për zgjedhjet lokale po intensifikohet dhe qytetarët gjithnjë e më shumë kërkojnë udhëheqës të përgjegjshëm, emri i Dr. Zekirja Shainit po përmendet me intensitet në qarqet publike dhe mediatike si një ndër alternativat më të përkrahura për kryetar të Komunës së Likovës.
Një anketë e publikuar ditë më parë nga INA, ku qytetarët u ftuan të shprehnin mendimin e tyre për profilin që duan të shohin në krye të komunës, nxori në pah një trend të qartë: shumica e komenteve dhe përmendjeve të drejtpërdrejta ishin në favor të Dr. Zekirja Shainit.
Gjatë mandatit të kaluar, Dr. Shaini shërbeu si kryetar i Këshillit Komunal, një rol ku u vlerësua për qetësinë, maturinë dhe afërsinë me qytetarët. Veçanërisht gjatë periudhës së vështirë të pandemisë COVID-19, ai doli në pah si një prej figurave më aktive dhe më të përkushtuara, duke ndihmuar komunitetin në organizimin e ndihmës sociale, ndërmjetësimin me institucionet dhe zgjidhjen e shumë sfidave praktike.
Sipas komenteve të qytetarëve në anketë, vlerësohet integriteti i tij, përvoja në administratë, ndershmëria dhe fakti që nuk është larguar nga populli as në kohë të vështira.
Ndërkohë, vetë Dr. Shaini nuk ka dalë ende publikisht me një qëndrim të qartë për kandidimin, por burime nga terreni tregojnë se mbështetja qytetare për të është në rritje dhe zëri i opinionit është gjithnjë e më i unifikuar: Komuna e Likovës ka nevojë për një lider të dëshmuar dhe të afërt me qytetarët.