I ftuar në eisionin Pressing në Klan Maqedonia lideri i Aleancës për Shqiptarët Ziadin Sela, k atheksuar se VMRO-DPMNE po përpiqet të manipulojë votën shqiptare duke e drejtuar atë nga VLEN-i dhe duke kthyer favorin ndaj Taravarit, të cilin e përshkruan si një figurë që vepron nën urdhra dhe është bërë peng i liderit të VMRO-së, Hristijan Mickoski.
“Mënyra e paraqitjes së VMRO-së aktualisht është një tentativë për ta orient votën shqiptare drejt VLEN-it, por edhe kthim favori ndaj Taravarit, sepse VMRO dhe VLEN luajtën në favor të njëri tjetrit. Kandidatura e z.Taravari nuk ka qenë kandidaturë e bekuar nga ASH-ja, sepse në atë kohë ai iku dhe e dyta u pa një sjellje e një individi që duhet të zbatoi urdhëra. Kam parashikuar që ndarja ishte në funksion të dikujt, sjelljet flasin sikur Taravari është peng i Mickoskit”, deklaroi Sela.
Sela ka theksuar se largimi i Taravarit nga Aleancës për Shqiptarët nuk ishte i pritur dhe e ka cilësuar atë si një akt ikjeje. Ai sugjeron se sjelljet e Taravarit tregojnë se ai nuk po vepron me qëllime të veta, por po merr urdhra dhe po anashkalon strukturat e veta politike, duke u bërë mjet i VMRO-DPMNE-së për të arritur qëllimet e saj.
Lideri i ASH-së ka paralajmëruar se qëllimi final i VMRO-DPMNE-së është të shfrytëzojë periudhën dy javore mes zgjedhjeve presidenciale dhe atyre parlamentare për të avancuar agjendën e saj, e cila sipas tij është e dëmshme për interesat e shqiptarëve në Maqedoninë e Veriut. Sela ka bërë thirrje për vigjilencë dhe veprim të matur nga votuesit shqiptarë për të parandaluar manipulimin e votës së tyre.
“Largimi i Taravarit ishte i parecidentë, prandaj e kam cilsuar si ikje largimin e tij. Sjelljet e tij flasin në atë lloj drejtimi se është bërë peng i VMRO-së. Nuk mund të dali një udhëheqës partie në organin që drejton pa asnjë qëllimi të vetin, dmth merr urrdhëra dhe po anashkalon strukturat e veta politike.
Qëllimi final i VMRO-së ka qenë që të shfrytëzojë periudhën dy javore mes zgjedhjeve presidenciale dhe atyre parlamentare. Dhe ata kanë arritur që ta përdorin këtë por agjenda e tyre është e mbrapshtë”, tha Sela./tvklan.mk/