Sanduloviqit i caktohet masa e paraburgimit, avokati i tij kërkon ndihmë nga ndërkombëtarët!

30 ditë paraburgim i është caktuar politikanit serb, Nikola Sanduloviq, nga Gjykata e Serbisë.

Këtë e bëri të ditur për mediat në Kosovë avokati i tij, Çedomir Stojkoviq, i cili theksoi se arsyeja kryesore për këtë vendim ka qenë se klienti i tij ka vendosur e lule te varri i Blerina Jasharit, e cila ishte vrarë nga forcat serbe në Prekaz.

“Z.Sandulloviqit i është caktuar paraburgimi fillestar prej 30 ditësh, që i llogaritet nga dje. Pra me propozim të prokurorit, Gjykata o ka caktuar atij paraburgim sepse ka vendosur lule te varri i Blerina Jasharit, vogëlushes së vrarë në vitin 1998”, tha ai.

Stojkoviq i bëri thirrje bashkësisë ndërkombëtare për ndihmë në rastin e Sanduloviqit.
Sipas tij, ata janë të vetmit që mund të ndihmojnë.

“Vetëm faktori ndërkombëtar mund të ndihmojë në këtë rast, andaj reagimi i shpejtë është jashtëzakonisht i nevojshëm, meqë në rast se faktori perëndimor mbetet i heshtur për faktin se njeriu është në burg vetëm se ka vendosur lule në varrin e vogëlushes, atëherë kam frikë se partnerët ndërkombëtarë do të kishin një krizë identiteti dhe të vlerave, që assesi nuk do të guxonin ta kenë. Andaj, unë pres një ndihmë dhe koordinim të tillë”, tha ai.

Tutje, ai tha se procesi ndaj Sanduloviqit që nga fillimi ka qenë politik dhe se për të kërkohet zgjidhje politike, derisa shtoi se pret që ai të lirohet për shkak se vendosja e luleve të varri i Blerina Jasharit nuk mund të jetë vepër penale.

Sipas tij, procesi ndaj politikanit serb është në kundërshtim me ligjet e shtetit të Serbisë.

“Në këtë proces pres zgjidhje politike të rastit. Ky proces nuk është juridik, nuk është ligjor, është politik. Procesi zhvillohet në kundërshtim me Konventën evropiane për të drejtat e njeriut, duke e shkelur atë. Ai shkel edhe Ligjin Penal, Ligjin për procedurë penale dhe Kushtetutën e Serbisë.
E tëra që është bërë në rastin e Sandulloviqit është drejt për së drejti në kundërshtim me Ligjet e Serbisë. Andaj, ne jemi të vetëdijshëm se ky është proces politik dhe presim zgjidhje politike. Rasti në fund do të duhet të zgjidhet në mënyrë krejt të thjeshtë. Në fund, ai do të lirohet nga të gjitha akuzat, meqë vendosja e luleve pranë varrit të vogëlushes nuk mund të jetë vepër penale, por që të ketë vendim të tillë gjyqësor, do të duhej të kalonin disa vjet. Deri atëherë, atij i është caktuar ky paraburgim fillestar prej 30 ditësh dhe lirimi i tij do të jetë vendim politik, njëjtë çfarë ishte ku ai u burgos”, tha ai.

Gjendja e Sanduloviqit, sipas avokatit të tij, për momentin nuk dihet për shkak se ai që tri ditë nuk është parë nga familja e as nga avokatët. Por, ai bëri të ditur se mjekët e kanë njoftuar prokurorin se ai nuk mund të shkojë për t’u marrë në pyetje për shkak të gjendjes së rëndë shëndetësore.
“Gjendja e tij shëndetësore në këto moment është e panjohur, për afktin që ta she tri ditë nuk e kanë parë as familja e as avokatët. Informata e fundit që e kemi për gjendjen e tij shëndetësore është se mjekët nga Burgu qendror në Beograd e kanë njoftuar prokurorin se Sandulloviq nuk mund të vije për t’u marrë në pyetje, meqë gjendja e tij shëndetësore nuk lejon transportin deri në Prokurori. Kjo, në përkthim, do të thotë se gjendje e tij shëndetësore është jashtëzakonisht e rëndë”, tha ai.

Politikani opozitar serb, Nikola Sanduloviq, është rrahur brutalisht ditë më parë në Serbi.

E gjithë kjo ndodhi një ditë pasi Sanduloviq publikoi video duke bërë homazhe në varrezat e familjes Jashari në Prekaz, ku edhe kërkoi falje për krimet që ka kryer Serbia.

Po ashtu ka pasur zëra se në torturimin e tij ka marrë pjesë edhe krimineli serb, Milan Radojçiq.

REKLAMË

REKLAMË

lajmet e fundit

Struga dhe Koroshishti i japin lamtumirën profesorit Rexhep Leshko

Sot është ndarë nga jeta profesori Rexhep Leshko, një emër i njohur në arsimin e Strugës dhe Koroshishtit. Për të nderuar punën dhe kontributin e...

Jordania e gatshme për luftë me Izraelin nëse Netanyahu i dëbon me forcë palestinezët

Jordania është e gatshme t’i shpallë luftë Izraelit në rast se kryeministri Benjamin Netanyahu tenton të dëbojë me forcë palestinezët në territorin e saj. Paralajmërimi...

Trump nënshkruan urdhër ekzekutiv për ndalimin e pjesëmarrjes së transgjinorëve në sportet për femra

Presidenti amerikan, Donald Trump ka nënshkruar një urdhër ekzekutiv që ndalon sportistët transgjinorë të marrin pjesë në sportet për femra. Urdhri kërkon që organizatat...

Sekretari amerikan i Shtetit, Rubio: Plani i Trump për Gazën nuk është armiqësor!

Sekretari amerikan i Shtetit, Marco Rubio ka mbrojtur një propozim të presidentit Donald Trump për të zhvendosur banorët e Rripit të Gazës, i cili...

Mexhiti: Maqedonia e Veriut do të vazhdojë të kontribuojë për paqen dhe sigurinë globale

Zëvendëskryeministri i parë, Izet Mexhiti në kuadër të vizitës në Washington, mori pjesë në Interparliamentary Security Forum, që u organizua nga Kongresmenët Pete Sessions...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu