Bekim Sali nga koalicioni VLEN në Daily Click në TV21 tha se sistemi shëndetësor në vendin tonë është i sëmurë. Ai thekson se dikush duhet të mbart përgjegjësi për ndërprerjen e vazhdueshme të politikave në reformat në shëndetësi. Sali thotë se udhëheqësit politikë po e dëmtojnë shëndetësinë, pasi vetëm për tre vite janë ndërruar 4 ministra.
“Në tre vitet e fundit janë ndërruar 4 ministra të shëndetësisë, mund ta paramendoni se çfarë kontitunuiteti mund të ketë në atë dikaster, duke pasur parasysh që të gjithë ministrat kanë pasur qëllime të mira, unë besoj në qëllimet e mira të çdonjërit që e merr një detyrë publike”. Tha Bakim Sali-VLEN.
Ilir Hasani nga Fronti Europian tha se si plan për sistem shëndetësorë më efikas e mendojnë që pas ndërtimit të Qendrës së re Klinike në Shkup, të ndërtohen edhe 4 qendra të tjera nëpër vende tjera në Maqedoninë e Veriut.
“Decentralizimi është mandator dhe projekti i jonë i decentralizimit është në themelimin e një Qendre, një celule serioze, siç është Qendra Klinike Universitare, e cila planifikohet të ndërtohet dhe ndërtimin e katër qelizave të tjera të distribuara në periferi të Maqedonisë, por të gjitha ata të planifikohen të bëhen të reja dhe të mos mundohemi t’i arnojmë institucionet ose ndërtesat e vjetra”, u shpreh Ilir Hasani – Fronti Europian.
Ndryshe dy mjekët Bekim Sali nga koalicioni VLEN dhe Ilir Hasani nga Fronti Europian në zgjedhjet e 8 majit do të garojnë për deputetë në zonën e parë zgjedhore.
https://youtu.be/_uRTs4AM31Y