Ish-kryeministri i Holandës, Mark Rutte, ka marrë të martën përsipër postin e Sekretarit të ri të përgjithshëm të NATO-s në një ceremoni në selinë e kësaj Aleance në Bruksel. Me këtë ka filluar mandati i ri në të cilin e zëvendëson norvegjezin Jens Stoltenberg. Ky i fundit largohet nga NATO-ja pas një mandati rekord prej 10 vjetësh në krye të Aleancës më të madhe ushtaraske në botë.
Sekretari i përgjithshëm i NATO-s Rutte falënderoi paraaerdhësin e tij Stoltenberg duke thënë se askush më shumë se ai në historin e Aleancës nuk është përballur me sfidat e tilla me të cilat sot po përballet NATO-ja.
Rutte duke folur para gazetarëve në Bruksel përmendi tri prioritete në mandatin e tij. Prioriteti i parë është forcimi që të pëballet me sfidat dhe rreziqet ndaj një miliadrë banorëve të Aleancës së NATO-s, prioriteti i dyta ndihma Ukrainës dhe i treti përballja me sfidat globale.
Rutte ka thënë se duhet të vazhdojë investimi i vendeve anëtare të NATO-s në rritjen e kapaciteteve ushtarake duke nënvizuar se “të gjithë duhet të marrin përsipër pjesën e vet të barrës për sigurinë e përbashkët”.
Gjatë fjalimit të tij, si dhe në konferencën për shtyp, më së shumti ka përmndur Ukrainën duke thënë se e sheh këtë shtet duke ecur edhe drejt fitorës në mbrojtjen nga agresioni rus por edhe në rrugë të pakthyeshgme drejt NATO-s.
Çka i sjell Rutte NATO-s?
“Mbështetja e Ukrainës është një gjë e drejtë dhe është investim në mbrojtjen e përbashkët. Çmimi për mos mbështetjen e Ukrainës do të ishte shumë më i lartë sesa mbështetja”, ka deklaruar Rutte.
Për Sekretarin e ri të përgjithshëm të NATO-s edhe bashkëpunim me BE shihet si kyç. Ai ka theksuar se mirëpret angazhimin e BE-së për të rritur kapacitet e mbrojtjes por duke respektuar përshtatjen me NATO-n dhe duke mos krijuar duplifikim sepse interesat, sipas tij, janë të përbashkëta.
Rutte akuzoi edhe Kinën se po e ndihmon luftën e Rusisë në Ukrainë ndërsa nënvizoi se Rusia po merr ndihmë edhe nga Korea e Veriut dhe Irani.
Sekretari i ri i përgjithshëm i NATO-s tha se është i bindur se ndihma amerikane për Ukrainën do të vazhdojë kushdo që fiton në SHBA sepse ai ka punuar me të dy kandidatët.
“Kam punuar me Donald Trumpin. Duhet ta pranojmë një gjë. NATO ka rritur shpenzimin për mbrojtje dhe për këtë merita ka edhe Trumpi”, tha Rutte.
As në fjalim e as në konferencë për gazetarë Rutte nuk ka përmendur as Kosovën e as rajonin e Ballkanit Perëndimor por fokusi ka qenë kryesisht në Ukrainë dhe në rritjen e kapaciteteve mbrojtëse të NATO-s.