Në incidentin e djeshëm në hekurudhat e Maqedonisë, një tren mallrash ka dalë nga binarët ndërmjet stacioneve hekurudhore “Kadina Reka” dhe “Zelenikovë”. Aksidenti ka ndodhur rreth orës 21:37, pas së cilës komunikacioni në atë pjesë është ndërprerë plotësisht, transmeton Portalb.mk.
Sipas informacioneve të Qendrës Rajonale për Menaxhimin e Krizave (QRMK) Shkup, fatmirësisht nuk ka të lënduar. Ekipet e Hekurudhave të Maqedonisë janë dërguar menjëherë në terren për të punuar në eliminimin e pasojave dhe normalizimin e qarkullimit.
Për ndërprerjet janë paralajmëruar pasagjerët dhe trenat e mallrave që udhëtojnë në këtë pjesë të itinerarit dhe së shpejti pritet që qarkullimi të normalizohet.