Deputeti i Vetëvendosjes në Maqedoninë e Veriut, Bekim Qoku, tha se ka një orkestrim mes LSDM-BDI-Levica që siç thekson ai, vetëm për të destabilizuar vendin dhe për t’u rikthyer në pushtet dhe shtoi se, mënyra se si gjejnë gjuhën për t’i poshtëruar shqiptarët, është për t’u admiruar. Qoku tha se Por BDI mbetet megjithatë një bandë hajdutësh e të korruptuarish, figura politike pa moral e skrupuj.
“Një orkestrim si prej një dore mjeshtri i aktiviteteve të përbashkëta të LSDM-BDI-Levica sa i përket temave dhe çështjeve në dëm të shqiptarëve, vetëm për të destabilizuar vendin dhe për t’u rikthyer në pushtet. Se si e gjejnë kaq kollaj gjuhën unike kur duan t’i poshtërojnë shqiptarët, është për t’u admiruar. Kur e dimë se Ali Ahmeti, Bujar Osmani kanë pasur bashkëpunim të mirë edhe me Vuçiqin dhe Serbinë, pse çuditemi që bashkërendohen kaq lehtë me Levicën. Por BDI mbetet megjithatë një bandë hajdutësh e të korruptuarish, figura politike pa moral e skrupuj, që janë në gjendje t’i pinë edhe pikën e fundit të gjakut popullit të tyre vetëm për t’u rikthyer në pushtet e për të vazhduar vjedhjen dhe pasurimin e tyre dhe familjarëve të tyre.
Le të shohin ëndrra në diell dhe prapa grilave të burgut”, tha Qoku.