Në poligonin e armatës “Krivollak” sot do të prezantohen automjetet kundër-zjarreve.
Në promovim, siç është paralajmëruar do të marrë pjesë edhe kryeministri Hristijan Mickoski.
Mickoski në fillim të qershorit të këtij viti paralajmëroi se në pritje të valës së paralajmëruar të të nxehtit dhe rrezikut të shtuar të zjarreve pyjore gjatë periudhës së verës, më shumë se 50 automjete që janë pjesë e pajisjeve të vjetruara dhe të ruajtura të Ministrisë së Mbrojtjes dhe Ministrisë së Punëve të Brendshme do të ridrejtohen për shuarjen e zjarreve pyjore.
“Disa nga pajisjet e vjetruara dhe të deponuara, siç janë BTF70/80, hermalinat e vjetra dhe të ngjashme, të cilat ishin në depot e Ministrisë së Mbrojtjes dhe MPB-së, janë modernizuar dhe përpunuar, janë instaluar rezervuarë të posaçëm uji, janë blerë pompa që punojnë me presion të lartë dhe mund të hyjnë në terrene të paarritshme. Ajo që ishte shumë e rëndësishme për ne natën kur, siç thonë ekspertët, zjarri është duke fjetur, ishte të mund t’i afroheshim dhe ta shuanim në mënyrë që të mos shpërthejë gjatë ditës. Automjetet po përgatiten dhe shumë shpejt sot do të jeni dëshmitarë të një ushtrimi demonstrues, se si bëmë diçka nga asgjëja. Pres që 50-60 automjete të tilla të jenë gati me vëllime të ndryshme të instaluara të ujit deri në gjashtë ton, kështu që pres që t’i mirëpresim zjarret të përgatitur”, tha Mickoski, në një ngjarje për të promovuar një investim të ri në kapacitetet prodhuese të kompanisë “Replek”.
Lidhur me shumën e parave të ndara për këtë ridrejtim të automjeteve, kryeministri tha “shumë pak dhe është kryesisht një punë e kryer në bazë vullnetare dhe nga kompani me përgjegjësi sociale. Buxhetin nuk e kushton fare”.