Artina Qazimi nga Aleanca për Shqiptarët tha se, Ndërmarja Piblike për Rrugë Shtetërore ka hequr krejtësisht gjuhën shqipe nga tabelat që siç thotë, fatkeqësisht ka dhe zëvendësdrejtor shqiptar, Nazim Taipi dhe Doganat e Maqedonisë, ku zëvendësdrejtor është Garip Kaba. Qazimi pyeti se kush duhet ta mbrojë gjuhën shqipe nga Gjykata Kushtetuese dhe nga kjo Qeveri antishqiptare.
“Pobratimi i Mickos e heq shqipen nga tabelat në kufij
Kohë më parë reaguam ndaj gabimeve në gjuhën shqipe që janë bërë në tabelat informative në vendkalimet kufitare, me shpresë që ato të përmirësohen. Por, për ironi sot ndodhi edhe më keq. Ndërmarja Piblike për Rrugë Shtetërore, ku fatkeqësisht ka dhe zëvendësdrejtor shqiptar, Nazim Taipi dhe Doganat e Maqedonisë, ku zëvendësdrejtor është Garip Kaba, të dy nga vLEN dhe grupi i Taravarit, kanë hequr krejtësisht gjuhën shqipe nga tabelat. Ato tani janë vetëm në gjuhën maqedonase, angleze dhe frenge. Paramendoni tani kush duhet ta mbrojë gjuhën shqipe nga Gjykata Kushtetuese dhe nga kjo Qeveri antishqiptare. Ende pa u sjellë vendim, institucionet që fatkeqësisht thuhet se kanë edhe zëvendës shqiptarë, tanimë kanë filluar të abrogojnë në praktikë ligjin e gjuhëve dhe të fshijnë gjuhën shqipe”, shkroi Artina Qazimi.