Petrovska: Kishte interesim nga anëtaret e NATO-s për ngjarjet në M-NAV, politika t’i heq duart nga sindikatat

Ministrja e Mbrojtjes, Sllavjanka Petrovska ka konfirmuar se ka pasur reagim nga NATO lidhur me ngjarjet në operatorin për navigacion ajror M-NAV, por jo në formë të reagimit zyrtar me shkrim.

“Kur flasim për NATO-n të mos flasim se edhe ne jemi në NATO. Komunikimin që e kemi në bazë ditore, por në nivele të ndryshme, se janë bërë pyetje në kuadër të asaj që po ndodh absolutisht, po. Reagim zyrtar me shkrim, të paktën në Ministrinë e Mbrojtjes nuk ka. Megithatë, çdo lloj komunikimi ne e konsiderojmë, ndoshta jo për shqetësim, por për interesi, për atë që të po ndodh që është absolutisht legjitime. Në këtë moment të ditës, në aeroportin e Shkupit kanë ateruar dy aeroplanë nga vendet-anëtare të NATO-s me qëllim të caktuar, kështu që është i qartë interesi i vendeve-anëtare të NATO-s, të cilët e shprehin këtë”, tha Petrovska në pyetjen e gazetarëve.

Ajo përkujtoi se që javën e kaluar për ngjarjet në M-NAV ka pasur konsurltim me kryeministrin dhe se ka thënë që kompromis me sigurin e qiellit mbi vendin nuk guxon të ketë. Këtë tha e ka treguar edhe seanca e djeshme e Qeverisë, me propozimin e dhënë nga ana e kryeministrit për shkarkimin e drejtorëve dhe drejtorët e rinj të emëruar në vendin e tyre.

Lidhur me komentet e gjykatës, gjegjësisht vendimet që i kanë sjellë për shqiptimin e masave të kujdesit të të involvuarve në incidentin në M-NAV ajo tha se nuk pajtohet me to.

“Personalisht nuk jam dakord dhe mendoj se do të duhet të rishqyrtojnë vendimin e tyre. Absolutisht nuk dua të ndikoj në vendimet nga pozicioni i ministres së Mbrojtjes, por do të duhet ta marrin më seriozisht gjithë këtë situatë. Ata ndoshta do të kenë kohë shtesë, jam e bindur se organet ekzekutive apo MPB do të bëjnë një punë të madhe dhe kanë përfunduar punën e tyre deri tani. Megjithatë, është e nevojshme të merret parasysh i gjithë legjislacioni në RMV, por edhe obligimet e ndërmarra në nivel ndërkombëtar”, tha Petrovska, e cila po u përgjigjej pyetjeve pas nënshkrimit të Memorandumit të mirëkuptimit për mbështetjen e nëntë milionë eurove nga Fondi evropian për paqe për nevojat e Armatës së Republikës së Maqedonisë së Veriut.

Ajo theksoi se si punëdhënës ka komunikim me katër sindikata në mbrojtje me, të cilat thotë zhvillojnë dialog në bazë javore dhe ka bërë apel deri te sindikata në M-NAV, por edhe deri te të gjitha sindikatat që të angazhohet për zgjidhje të problemeve pa politizim të tyre, ndërsa partitë politike të mos i keqpërdorin sindikatat.

lajmet e fundit

100 shishe shampanjë gjenden në rrënojat e anijes së shekullit të 19-të

Kur zhytësit në Detin Baltik panë për herë të parë rrënojat, menduan se ishte një varkë peshkimi. Por kur shkuan për të hetuar, gjetën...

Kthimi i trupit të Faton Hajrizit nga Serbia/ Koci:Isha në morg, prej orësh jam në stacion policor të Lloznicës

Avokati Arianit Koci ka udhëtuar drejt Serbisë në përpjekjen e tij për të gjetur dhe transferuar për në Kosovë trupin e Faton Hajrizit. Nga...

Toshkovski dhe Daçiq, vizitë në Tabanoc

Qytetarët presin radhën me vetura, ndërsa ministri vjen me helikopter. Kjo kontradiktë u pa sot në vendkalimin kufitar të Tabanocës ku Ministri i brendshëm...

Mickoski dush të ftohtë VLEN-it, për ndryshimet kushtetuese: Nuk pranoj ultimatume!

Edhe përkundër pretendimeve të koalicionit “VLEN” se mbeten në të ashtuquajturat afat gjashtëmujor për çështjen e ndryshimeve kushtetuese, kryeministri Hristijan Mickoski u përgjigj se...

Bullgaria nuk do të ketë kërkesa të reja – Mospajtime mes VLEN dhe VMRO-DPMNE për afatin për ndryshimet kushtetuese

Edhe përkundër pretendimeve të koalicionit “VLEN” se mbeten në të ashtuquajturat afat gjashtëmujor për çështjen e ndryshimeve kushtetuese, kryeministri Hristijan Mickoski u përgjigj se...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu