Prokuroria Themelore Publike në Tetovë ka nxjerrë urdhëresë për zhvillimin e procedurës hetuese ndaj një 34 vjeçari për të cilin ekziston dyshimi i bazuar se ka kryer vepër penale “Përdhunim i fëmijës nën moshën 15 vjeçare”, e dënueshme nga neni 188 paragrafi 2 lidhur me paragrafin 1 të Kodit Penal.
Siç njoftojnë nga Prokuroria, i dyshuari më 28.11.2024, në një dyqan të braktisur në qendrën tregtare të qytetit në Tetovë, duke përdorur kërcënim të rëndë me thikë, me dhunë ka kryer marrëdhënie seksuale me një fëmijë të lindur në vitin 2010, pas çka është larguar.
“I mituri, i frikësuar nga kërcënimet e të dyshuarit, i ka treguar vetëm një shoku për ngjarjen, deri më 4 shkurt 2025, kur e ka marrë vesh vëllai i viktimës dhe e ka denoncuar menjëherë në polici”.
“Me propozim të prokurorit të dyshuarit i është shqiptuar masa e paraburgimit prej 30 ditësh”, thonë nga Prokuroria.