Në intervistën e dhënë për “Kallxo.com”, kandidati për president nga Fronti Europian Bujar Osmani ka theksuar se për herë të parë, shqiptarët i prinë bllokut të tretë, më të madh multietnik, që pretendon të merr mandatin për të udhëhequr shtetin.
“Ne me Fronitn Europian, me 9 parti politike, do të marrim mandat për të udhëhequr dhe ne do të zgjedhim partnerin. Unë mendoj që ne do të kemi kapacitet për të formuar qeveri si Front Europian, me 9 parti politike. Kurse vijat e kuqe, partneritetet, ne i kemi bërë publike. Ata të cilët nuk respektojnë Marrëveshjen e Ohrit, Marrëveshjen e Prespës me Greqinë dhe Marrëveshjen për Fqinjësi të mirë me Bullgarinë, partneritet me ne nuk ka. Por është edhe një në këto zgjedhje, ata të cilët nuk do të pranojnë vetingun me Bord ndërkombëtar, partneritet me ne nuk do të kenë”, deklaroi Osmani.