Kombet e Bashkuara (OKB) kanë hedhur poshtë propozimin e Izraelit për të dërguar ndihma në Gaza – në kushte të kontrolluara nga ushtria – duke përmendur shqetësime serioze humanitare.
Ekipi humanitar i OKB-së në Gazë tha se plani i Izraelit do të shkelte parimet themelore humanitare dhe se mund të jetë hartuar për të përforcuar kontrollin mbi artikujt që mbështesin jetën si një taktikë presioni – pjesë e një strategjie ushtarake.
Teori të shumta konspiracioni përhapen në Rusi rreth ‘problemeve shëndetësore të Ficos dhe Vuçiç’
Mekanizmi i propozuar i shpërndarjes do të kërkonte miratimin e OKB-së për të shpërndarë furnizime përmes pikave të kontrollit izraelite – sipas kushteve të përcaktuara nga ushtria izraelite.
Ekipi i OKB-së paralajmëroi se strategjia e propozuar do t’i detyronte civilët të futeshin në zona të militarizuara për të mbledhur racione – duke i vënë në rrezik si ata ashtu edhe punonjësit e ndihmës.
OKB tha se mund të mbështeste vetëm skema që mbështesin parimet humanitare të humanizmit, paanshmërisë, pavarësisë dhe neutralitetit.
Izraeli ka bllokuar të gjithë ndihmën humanitare në Gazë që nga fillimi i marsit, duke ndaluar shpërndarjen e ushqimit, ujit të pastër dhe ilaçeve.
Zyrtarët e OKB-së paralajmëruan se civilët po vuajnë nga uria dhe se spitalet nuk janë në gjendje të trajtojnë të sëmurët dhe të plagosurit.
Izraeli tha se bllokada synon të ushtrojë presion mbi grupin militant palestinez Hamas – në mënyrë që të lirojë pengjet e mbetura – të marra gjatë sulmit të 7 tetorit 2023.
Ambasada e SHBA shpërndan mesazhin e zv/presidentit Vance: Nuk duhet të kemi frikë prej qytetarëve tanë, edhe kur ata…
OKB-ja ka bërë thirrje të përsëritura për lirimin pa kushte të të gjithë pengjeve.
Gjithashtu, OKB ritheksoi se e drejta ndërkombëtare ndalonte ndëshkimin kolektiv dhe i detyronte fuqitë pushtuese të siguronin mirëqenien e civilëve.