Me dhimbje të thellë njoftojmë se sot është ndarë nga jeta Osman Afizi – një personalitet i dalluar që gjithë jetën ia kushtoi çështjes kombëtare.
Z. Afizi kontribuoi në mënyrë të vazhdueshme në përpjekjet për çlirim dhe liri kombëtare, duke vepruar me mjete humane e financiare gjatë periudhave më të vështira për vendin. Ishte i diplomuar në Fakultetin Juridik të Universitetit të Prishtinës, dhe më pas vijoi aktivitetin e tij si afarist në trojet shqiptare, duke qenë gjithmonë në shërbim të interesave kombëtare.
Ai ishte themelues i Këshillit të Brezës dhe mbajti për vite me radhë detyrën e zëdhënësit pranë Kompleksit Memorial dhe Kullës, duke dhënë një kontribut të jashtëzakonshëm, qoftë financiarisht, qoftë në aspektin njerëzor, nga themelimi deri më sot.
Këshilli i Kullës i shpreh ngushëllimet më të sinqerta familjes Afizi, banorëve të Brezës dhe më gjerë, për humbjen e këtij personaliteti të shquar kombëtar. Ndarja nga jeta e Osman Afizit lë një boshllëk të madh në shoqëri dhe në Këshillin e Kullës, ku ai ishte pjesë thelbësore e themelimit, ndërtimit dhe forcimit të unitetit.
Allahu e mëshiroftë dhe e shpërbleftë për veprat e tij të mira!