San Diego, SHBA – Ambasada e Shteteve të Bashkuara në Tiranë ka përgëzuar zyrtarisht Alban Dervishin, oficer me origjinë shqiptare, për emërimin e tij si komandant i USS Pearl Harbor, një ndër anijet luftarake të flotës amerikane.
Ceremonia zyrtare e ndërrimit të komandës u mbajt javën e kaluar në bazën detare të San Diegos, ku Dervishi mori komandën me nderime të plota, duke shënuar një arritje të jashtëzakonshme për një shqiptar në rangjet e larta të Marinës Amerikane.
“Urime për Alban Dervishin për rolin e tij të ri si Komandant i USS Pearl Harbor! Një moment historik që reflekton përkushtimin dhe profesionalizmin e tij të jashtëzakonshëm,” shkruan Ambasada e SHBA-ve në Tiranë në një postim publik.
🎥 Ndiqni momentet nga ceremonia zyrtare këtu: VIDEO
Ky është një rast unik që nderon jo vetëm Dervishin dhe familjen e tij, por edhe komunitetin shqiptar në SHBA dhe më gjerë. Ai përfaqëson shembullin konkret të suksesit të arritur përmes disiplinës, integritetit dhe shërbimit ndaj vlerave që ndajnë dy vendet tona.