Ministri i Mbrojtjes, Ejup Maqedonci ka njoftuar se Kosova tashmë ka nënshkruar një marrveshje ushtarake kornizë me Turqinë.
Maqedonci ka shkruar në Turqi me ftesë të ministrit turk të Mbrojtjes Kombëtare, Yasar Guler, me të cilin nënshkruan marrëveshjen “për ta thelluar bashkëpunimin ushtarak në shumë drejtime”.
“Shkëmbimi i personelit ushtarak, shkollimet, trajnimet e përbashkëta, investimi në industrinë e mbrojtjes si dhe trajtimi shëndetësor i pjesëtarëve të FSK-së në Turkiye ishin disa nga çështjet të cilat i diskutuam, e që përmes marrëveshjes së nënshkruar i hapim rrugë procesit për realizimin e tyre”, shkroi ministri kosovar në një postim në Facebook.
“Krahas lidhjes kulturore ndërmjet dy shteteve tona, tashmë ekziston një bashkëpunim i ngushtë në aspektin ushtarak, me qëllim që së bashku t’i kontribuojmë ruajtjes së paqes dhe stabilitetit në rajon dhe më gjerë”, shtoi ai.
Ky nënshkrim vjen pak ditë pasi Qeveria votoi propozim-vendimin për t’i kërkuar presidentes Vjosa Osmani që ta japë autorizimin për këtë marrëveshje.