Kleriku mysliman turk, Fethullah Gulen, për të cilin Ankaraja thotë se ishte organizator i grushtit të shtetit të dështuar, të vitit 2016, ka vdekur në Shtetet e Bashkuara.
Sipas mediave të lidhura me FETO, thuhet se ai ka vdekur në Pensilvani. Gulen, i cili ka jetuar në SHBA prej vitesh, dyshohet se vdiq pasi u shtrua në një spital në moshën 83-vjeçare. Mediat pranë organizatës Fetullah, njoftuan se “kreu i organizatës Fethullah Gulen, ka ndërruar jetë në spital”.
Shëndeti i Fetullah Gulen ka qenë jashtëzakonisht i trazuar së fundmi sipas raportimeve të mediave. Përveç veshkave dhe diabetit, ai raportohet se kishte edhe demencë.
Gylen ndërtoi një lëvizje të fuqishme islamike në Turqi dhe më gjerë, por i kaloi vitet e tij të mëvonshme i akuzuar për orkestrimin e një tentative grusht shteti kundër liderit turk Tajip Erdogan, akuza të cilat ai i mohoi.
Në Turqi organizata Fetullah (FETO konsiderohet organizatë terroriste. Grupi që qëndron pas grushtit të shtetit të dështuar të 2016-ës në Turqi, dhe lideri i saj me bazë në SHBA, Fethullah Gulen, u pa për herë të fundit më 12 tetor 2024 në një makinë duke lënë shtëpinë e tij, pasi u largua nga ferma e tij në Pensilvani, ku jetonte që nga viti 1999 në Saylorsburg në Shtetet e Bashkuara.
Që nga 1 korriku 2023, shkollat e FETO-s janë mbyllur në 48 vende, ose janë marrë dhe operuar drejtpërdrejt nga vendet përkatëse ose janë transferuar në Fondacionin Türkiye Maarif.
Çfarë është Organizata FETO sipas mediave turke?
Organizata Terroriste Fetullah, e njohur gjithashtu si FETO, është një entitet i paligjshëm që ka kërkuar të krijojë një rend të ri politik, ekonomik dhe shoqëror duke shfrytëzuar fenë. Grupi, i udhëhequr nga Fethullah Gulen, ka qenë i lidhur me aktivitete të ndryshme kriminale si shantazh, spiunazh dhe pastrim parash.
FETO dallon nga grupet e tjera terroriste për shkak të operacioneve të saj klandestine, duke ruajtur sekretin ndër vite duke depërtuar në institucione të ndryshme turke, përfshirë drejtësinë dhe ushtrinë.
Turqia ka qenë objektivi i organizatave të ndryshme terroriste për shkak të vendndodhjes së saj strategjike në udhëkryqin e kontinenteve, feve dhe kulturave. Ndryshe nga grupet e tjera terroriste që veprojnë hapur, Organizata Terroriste Fetullah (FETO) i ka zhvilluar në mënyrë klandestine aktivitetet e saj që nga vitet 1960, duke u maskuar pas një fasade ligjshmërie ndërsa ndjek axhendën e saj të paligjshme.
FETO synon të krijojë një rend të ri politik, ekonomik dhe shoqëror që devijon ndjeshëm nga parimet islame duke shfrytëzuar fenë për qëllimet e veta. Duke u angazhuar në një sërë aktivitetesh kriminale, duke përfshirë shtypjen, shantazhin, kërcënimet, vrasjet, komplotet, spiunazhin dhe pastrimin e parave, FETO ka demonstruar një shpërfillje të hapur për sovranitetin, demokracinë dhe vlerat thelbësore të Republikës së Turqisë.
Përpjekja e pabesë për grusht shteti më 15 korrik 2016, ishte një sulm i drejtpërdrejtë ndaj sovranitetit kombëtar të Turqisë, institucioneve demokratike dhe parimeve themelore të Republikës. Përfshirja e FETO-s në këtë akt të urryer nënvizon më tej kërcënimin e rëndë që paraqet për stabilitetin dhe sigurinë e Turqisë.
Që nga 1 korriku 2023, shkollat e FETO-s janë mbyllur në 48 vende, ose janë marrë dhe operuar drejtpërdrejt nga vendet përkatëse ose janë transferuar në Fondacionin Türkiye Maarif.
Në shumë vende, strukturat e lidhura me FETO-n janë ndaluar dhe anëtarët e tyre janë dëbuar. Disa organizata ndërkombëtare, përfshirë Organizatën e Bashkëpunimit Islamik (OIC), kanë miratuar vendime që e njohin FETO-n si organizatë terroriste. Gjykata e Lartë e Pakistanit vendosi se aktivitetet e grupeve të lidhura me FETO-n e shpallur si organizata terroriste do të shkelin Kushtetutën e Pakistanit. Kështu, ajo ndaloi të gjitha aktivitetet e organizatës terroriste në vend.
(A2 Televizion)