Mobilizohet ASH, zgjedhje nëpër forumet partiake nga Kumanova deri në Strugë (FOTO)

Nga Kumanova, Shkupi, Tetova e deri në Strugë, Aleanca për Shqiptarët ka filluar tashmë mobilizimin për zgjedhjet e ardhshme parlamentare. Aktivitetet kanë vijuar me zgjedhjet e kryetarëve të forumeve rinore dhe forumeve të grave.

Në Strugë u mbajt kuvendi i asamblesë së gruas ku për kryetare u zgjodh Premtime Zylali Deliaj, ndërsa në Kuvendin zgjedhor të asamblesë së gruas në Gazi Babë kryetare u zgjodh Antigona Emini.

Punimet e këtyre forumeve partiake i kanë ndjekur kryetari i kësaj partie, Arben Taravari, kryetari i Kuvendit të ASH-së, Ziadin Sela, deputetët Ilire Dauti, Remzi Mehmedi, Elmi Aziri, sekretari gjeneral Krenar Lloga, sekretari organizativ Isen Shabani si dhe funksionarë të tjerë partiakë.

“Sot një ditë intensive për Aleancën për Shqiptarët. Takime, punë, bashkëbisedime dhe organizim për proceset që kemi para nesh. Uragani i Aleancës për Shqiptarët qëndroi edhe në Hasanbeg, ku dega Gazi Babë mbajti Kuvendin zgjedhor të Asamblesë së Gruas. Kryetare e Asamblesë u zgjodh Antigona Emini. Suksese dhe na priftë e mbara!”, ka shkruar në rrjetet sociale, kreu i ASH-së, Arben Taravari.

“Eja në Shtëpinë tënde. Përgëzime të gjitha grave e vajzave të Strugës, anëtarëve të Aleancës për Shqiptarët për këtë organizim dhe mobilizim që rikonfirmon vendosmërinë tonë për të vazhduar e avancuar rrugën e drejtë dhe të pastër. Aleanca për Shqiptarët po bëhet shtëpia më e fuqishme e femrës shqiptare, e gjithë shqiptarëve në RMV dhe shpresa e vetme për të ardhmen”, ka nënvizuar kryetari i kuvendit të kësaj partie, Ziadin Sela.

Akitivitetet më pas kanë vazhduar në Zhelinë, ku Llokman Kadrii është zgjedhur kryetar I FRASH-it. Pas anëtarësimeve të reja, zgjerimit të strukturave dhe procesit të sukdesshëm të regjistrimit të të rinjëve, Forumi Rinor i Aleancës për Shqiptarët sonte mbajti Kuvendin e degës në Zhelinë. Shumica e kuvendarëve, zgjodhën Llokman Kadriin për kryetar të degës së FRASH në Zhelinë. “Edhe në Zhelinë u dëshmua se Aleanca për Shqiptarët po rritet në vazhdimësi dhe mbetet e vetmja shpresë për shqiptarët në RMV”, thuhet në njoftimin e partisë.

Ndërsa, ditë më parë, kjo parti zgjodhi kryetarin e FRASH-it në Kumanovë, Driton Memeti.

lajmet e fundit

Goditet nga energjia elektrike, humb jeten 19 vjeçari nga Shkupi

Në ora 23:43 në SPB Shkup është raportuar se L.L (19) nga Shkupi ka ndërruar jetë në një festë në shtëpi. Sipas raportit, pas...

Presidentja Osmani mikpret këngëtaren me famë botërore Bebe Rexha

Presidentja e Kosovës, Vjosa Osmani ka pritur sot në takim këngëtaren e njohur me famë botërore Bebe Rexha. E para e shtetit Vjosa Osmani...

Zbardhet vrasja në Debresh! Arrestohen tre persona, konfiskohet arma dhe vetura

Ministria e Punëve të Brendshme ka njoftuar se është zbardhur vrasja në Debresh të Gostivarit, ku janë arrestuar tre persona dhe ndaj të cilëve...

Pas 13 ditëve në flakë, shuhet zjarri në malin Serta

Zjarri afër Sertës është shuar tërësisht pas 13 ditëve luftë me stihinë e zjarrit, informoi sot komandanti i Njësisë territoriale zjarrfikëse Negotinë, Stole Atanasov. Situata...

Aksident në Kumanovë, dy të lënduar rëndë

Një aksident ka ndodhur këtë pasdite në Kumanovë. Nga terreni mësohet se dy vajza janë lënduar rëndë, pasi u ndeshën me një veturë tjetër...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu