MEXHITI: PO NEGOCIOJMË ME KATËR DEPUTETË TË FRONTIT EUROPIAN PËR TË KALUAR NË ANËN E VLEN-IT

“VMRO-DPMNE dhe “VLEN” janë duke negociuar me katër deputetë të koalicionit të BDI-së për të kaluar në anën e tyre”, tha për Alfa kreu i Lëvizjes Demokratike, Izet Mexhiti. Ai tha se kalimi i deputetëve mund të ndodh para formimit të Qeverisë së re, ndërsa më pas sipas tij, ka mundësi që në qeverinë e re t’i bashkohen edhe deputetë të tjerë nga Fronti Evropian.

“Ka informacione se katër deputetë të tjerë nga Fronti Evropian tashmë janë duke negociuar, disa me ne, disa me koalicionin tjetër, kështu që mund të bien në 13, para formimit të Qeverisë. Pas formimit të Qeverisë, numri në Frontin Evropian mund të përgjysmohet sërish, sepse nuk janë të lidhur ideologjikisht, nuk kanë asgjë të përbashkët”, tha Mexhiti.

Marrëveshja për formimin e Qeverisë mes VMRO-DPMNE-së dhe koalicionit “VLEN” po afrohet. Mexhiti thotë se për vlerat themelore mbi të cilat do të punojë Qeveria e re aktualisht janë duke u dakorduar dhe për ndarjen e portofoleve do të diskutohet më vonë.

“Edhe koalicioni “VLEN” edhe koalicioni i udhëhequr nga VMRO-DPMNE, në parim ndajnë të njëjtat vlera, të njëjtat parime për Qeverinë e re, luftën kundër korrupsionit, kthimin e shtetit të së drejtës. Fokusi do të jetë zhvillimi ekonomik dhe jeta e qytetarëve”, tha Mexhiti.

Koalicioni “VLEN” në lidhje me ndryshimet kushtetuese nuk do të insistojë që të ndodhin me çdo çmim. Izet Mexhiti thotë se do të kujdeset për ndjenjat e maqedonasve dhe do të kërkohen garanci nga Bashkimi Evropian për integrim të sigurt të Maqedonisë.

“Ndryshimet varen fillimisht nga komuniteti më i madh, dmth nga maqedonasit në këtë vend. Në asnjë rast nuk duam që ata të ndihen të kërcënuar, të lënë më vete. Përkundrazi, ne duam të gjejmë një rrugë të përbashkët drejt integrimit, që është aspirata e vetme për të gjithë qytetarët e vendit”, tha Mexhiti.

REKLAMË

REKLAMË

lajmet e fundit

“Më urrente më pak dhe fitoi!”, Trump ngre telefonin me kryeministrin e ri të Kanadasë: Marrëveshja vjen brenda javës

Presidenti i SHBA Donald Trump thotë se Kryeministri i Kanadasë Mark Carney do të vizitojë Shtëpinë e Bardhë "brenda javës së ardhshme ose më...

Ja emrat e kryesisë së VLEN, LD me 5 anëtarë, BESA me 7, Alternativa me 9 dhe VV me 2

Koalicioni VLEN tashmë është shndërruar në parti të vetme me të njëjtën emër, ndërkohë që kryetari akoma nuk është zgjedhur. Tash për tash VLEN-in...

Haradinaj: Opozita mund ta bëjë Qeverinë, Hamza dhe Abdixhiku të pranueshëm për kryeministër

Kryetari i AAK-së, Ramush Haradinaj, shfaqi shpresën se mund të formohet qeveria nga partitë që ishin në opozitë në mandatin e kaluar. Haradinaj tha se...

Vazhdimi i paraburgimit për Bekteshin, BDI: Drejtësisë selektive dhe hakmarrje politike

Vazhdimi i paraburgimit për ish-ministrin Kreshnik Bekteshi, ndërkohë që fajtorët e drejtpërdrejtë – ata që kishin për detyrë sigurinë e fëmijëve, si dhe kryetarët...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu