Mediat në Greqi po e ndjekin debatin /Grekët numërojnë sa herë Mickoski ka thënë “Maqedonia”

Për përdorimin e emrit Maqedonia edhe atë siç shkruajnë “tre herë”, mediat greke e vënë theksin në tekstet për fjalimin në Kuvend të mandatarit të qeverisë së re, Hristijan Mickoski, ndërsa disa nga portalet informative komentojnë se bëhet fjalë për një “provokim të ri”. Edicionet online të mediave kryesisht përcjellin lajmin e agjencisë greke të lajmeve ANA-MPA e cila nën titullin Hristijan Mickoski në ekspoze e quajti vendin “Maqedonia” si mandatar për qeverinë e tij dhe në tekst sqarohet se në Kuvend ka filluar seanca dyditore për zgjedhjen e Qeverisë, e cila do të udhëhiqet nga VMRO-DPMNE si parti e djathtë. Agjencia greke e lajmeve kujton deklaratën e fundit të Mickoskit se “në inaugurimin e qeverisë së tij, ai do të përdorë emrin kushtetues të shtetit. Ndryshe, Mickoski ka bërë të ditur se gjatë betimit do ta përdor emrin kushtetues Republika e Maqedonisë së Veriut, ndërsa në daljet dhe fjalimet publike do ta përdor Maqedonia. Natyrisht, kjo nuk i pëlqeu kryeministrit grek Micotakis, i cili paralajmëroi reagime në samitin e NATO-s në Uashington.