Ky është vendimi i premierit Micko për vredistin Bili, se nuk do të ketë ndryshim të emrave të rrugëve jo vetem në Tetovë por edhe në mbarë “državën Severna”.
Kjo ishte një përgjigje jo e këndshme për Bilin e VREDI-t para zgjedhjeve komunale dhe guri i fundit i dominos, me gënjeshtrën e madhe duke i mashtruar tetovarët për ndryshimin e emrave të rrugëve të pagëzuar që nga koha e komunizmit jugosllav, me emra që nuk përkojnë me përbërjen etnike të qytetit dhe që nuk kanë asnjë lidhshmëri me banorët e kësaj komune.
Sajesa e çastit që Bili ka gjetur si arsyetim është se ndryshimet e emrave të rrugëve do të ndodhin pas zgjedhjeve lokale, është një stisje e tij dhe një arsyetim zhgënjyes, ku ai kërkon të ruaj votat e eloktoratit të pavendosur dhe të pabesëve të tij në komunën e Tetovës.
Loja me ndryshimin e emrave të rrugëve nuk është e re ajo daton së paku që nga viti 2019, atëherë kur dega e Beses në Tetovë kerkoi keto ndryshime, mirëpo pas ndërhyrjes së degës së SDSM-së në Këshillin Komunal ajo çështje u mbyll.
Por, sot për kredi politike Bili i Kasamit premton se gjoja pas zgjedhjeve komunale do t’i ndryshojë ato emra të komunizmit jugosllav nga rrugët e Tetoves me emra nga historia dhe kultura shqiptare.
Në fakt, Bili ka marr një përgjigje të prerë nga despoti i tij Micko se nuk do të ketë asçfarë ndryshimi të emrave të rrugëve jo vetëm në Tetovë por në të gjitha komunat me shumicë shqiptare, por që Bili i VREDI-t po e mbështjell këtë urdhër të despotit Micko me gënjeshtrën e radhës siç janë zgjedhjet lokale, se pas tetorit do t’i vijë radha ndryshimit!
Dhe loja vazhdon mes despotit Micko dhe vasalit Bili, se ndryshim nuk do të ketë nga njëra anë dhe ndryshimi do të vijë pas zgjedhjeve komunale nga ana tjetër.
A është i mundur ndryshimi i emrave të neveritur që nga koha e komunizmit jugosllav nëpër rrugët e qyteteve me shumicë shqiptare?
Po, është i mundur nëse të gjitha partitë shqiptare bëhen bashkë dhe nuk do pranojnë të hyjnë në një qeveri që mban me dhunë ato emra të urryer për shqiptarët dhe nëse do ta bojkotojnë parlamentin apo do të protestojnë çdo ditë derisa të ndryshohen ato emra qelbesirash që qëndrojnë si merimanga mbi rrugët dhe sheshet e komunave me shumicë shqiptare, është e mundur.
Fatkeqësisht, subjektet politike tona nuk e duan këtë rrugë të sakrificës që i privon ato nga leverditë financiare dhe për pasojë, ata do të pajtohen me pushtetin për hir të interesave të ngushta klanore duke i bëre kurban interesat kombëtare.
Medai Shaholli