Një rast aspak i zakonshëm ka ndodhur në Maqedoninë e Veriut. Një 23-vjeçar, me automjetin “Jugo” ka sulmuar në një tryezë në një oborr të një shtëpie në Koçan, ku kanë qenë të ulur disa persona, transmeton TV21. Nga goditja, disa persona kanë pësuar lëndime trupore.
“Më datë 10.04.2024 në ora 21.30 në Koçan, nëpunësit policorë nga DPB Koçan kanë privuar nga liria R.S.(23) nga Shtipi, duke vepruar ndaj denoncimit paraprak se me automjetin “Jugo” ka goditur në tryezën në të cilën ka qëndruar S.T. nga Koçani dhe familja e tij, në oborrin e shtëpisë së babait të tij. Sipas së denoncuarës, pas saj është shkaktuar edhe përleshje fizike ndërmjet familjeve S.T. dhe R.S., ku një pjesë e të involuvarve kanë marrë edhe lëndime trupore”, njoftojnë nga Ministria e Punëve të Brendshme duke shtuar se pas dokumentimit të rastit, do të shqiptohen edhe kallëzime përkatëse.