Ministria e Punëve të Jashtme dhe Diasporës ka bërë të ditur se një shtetas i Kosovës është arrestuar nga Policia e Maqedonisë së Veriut, që bëhet fjalë për Blerim Ramadanin i cili ishte pjesë e Ushtrisë Çlirimtare të Kosovës, përcjell in7.tv. Arrestimi i Ramadanit u bë në bazë të një fletëarresti që kishte lëshuar Serbia.
Ambasadori i Kosovës në Maqedoninë e Veriut, Florian Qehaja, tha se arrestimi i Ramadanit ka ndodhur pasi Serbia pretendon se ish-ushtari i UÇK-së ka kryer krime gjatë luftës në vitin 1999.
“Jemi duke u marrë me rastin. Jemi në komunikim me qeverinë e re këtu por edhe me organet e drejtësisë,” u shpreh Qehaja për Debat Plus.