Krenar Lloga ka replikuar pas akuzave të VLEN-it për pazare të fshehta të AKI-së në Strugë, duke i cilësuar ato si shpifje dhe shenjë frike nga zgjedhjet e 19 tetorit.
Në një status publik, Lloga tha se kandidati i AKI-së në Strugë është Dr. Arsimi, të cilin e quajti “më të mirin”. Sipas tij, VLEN, duke mos pasur kandidat në këtë garë, po përpiqet të krijojë konfuzion te votuesit.
“VLEN dhe DPMNE janë bashkë me Levicën dhe janë antishqiptar sikur Levica. Aq mirë e bëjnë lojën sa askush më nuk ka dyshime: nëse sot del dikush nga VMRO-ja me deklaratë, nesër dalin përkthyesit, dje me akuza Mickoski, sot vredistat”, shkroi ai.
Lloga theksoi se opozita po përdor të njëjtin model komunikimi që prej dy vitesh: “Shpif e shpif, i bëjnë gati dy vjet në qeveri. Erdhi dita, erdhi fundi”. Ai e mbylli reagimin me hashtagjet #referendumiTetorit dhe #vasalitetiNukVlen, duke paralajmëruar se data 19 tetor do të jetë përcaktuese për përballjen politike në Strugë.