Pas debatit të ndezur për listën e VLEN në Shkup, tashmë ka dalë edhe lista për Komunën e Çairit, një nga bastionet kryesore të shqiptarëve në kryeqytet.
Kandidat për kryetar të Komunës së Çairit do të jetë Izet Mexhiti, lideri i Lëvizjes Demokratike (LD). Po ashtu, edhe bartësi i listës për këshilltarë do të vijë nga radhët e partisë së tij.
Në vijim të listës, në vendin e dytë është përfaqësues i Alternativës, ndërsa vendi i tretë i takon Lëvizjes BESA. Pas tyre, në radhë vjen grupacioni i Arbër Fetait nga Aleanca për Shqiptarët.
Ky renditje shihet si një balancim i brendshëm pas pakënaqësive të aktivistëve të LD-së për listën e Shkupit, ku partia e Mexhitit u rendit vetëm e treta. Në rastin e Çairit, LD ka marrë pozicionet kyçe si kandidaturën për kryetar, ashtu edhe bartësin e listës për këshilltarë.
Çairi është konsideruar tradicionalisht bastion i Izet Mexhitit dhe mbetet një nga betejat më të forta të zgjedhjeve të ardhshme lokale. Me këtë renditje, koalicioni VLEN duket se ka vendosur t’i japë përparësi LD-së, duke lënë pas Alternativën, BESËN dhe grupin e Arbër Fetait në renditjen e kandidatëve për këshilltarë.