Pas largimit të 10 të punësuarve shqiptarë nga Elektranat e Maqedonisë së Veriut (ESM), një situatë e ngjashme po vazhdon në Nëndrejtorinë e Ngrohjes Qendrore BEG. Sipas burimeve jozyrtare për in7.tv, në proces për t’u larguar janë 35 shqiptarë të tjerë, të cilët kanë vendime pune.
Ky trend i largimeve ka filluar që pas formimit të qeverisë së re dhe po rritet vazhdimisht. Një faktor i rëndësishëm që e përkeqëson këtë situatë është mungesa e një mekanizmi ligjor që garanton rezervimin e vendeve të punës për përfaqësuesit e etnive të ndryshme. Ky balancues u shfuqizua më parë nga Gjykata Kushtetuese, duke krijuar hapësira për ndryshime në punësime, pa mekanizma mbrojtës për shqiptarët dhe komunitetet e tjera.