Kryetari i Degës së Tetovës nga radhët e VMRO-DPMNE Angel Karapetrov, në një deklaratë të fundit, e ka quajtur masakrën ndaj shqiptarëve të Tetovës si “ditën e çlirimit të Tetovës”. Kjo masakër, e njohur si masakra e monopolit, ka ngjallur reagime të shumta dhe diskutime mbi ngjarjet historike që kanë ndodhur në këtë rajon.
Masakra dhe nje nga gjenocidet e tmershme te Titos ne Monopolin e Tetoves me mija civil Shqipetar te masakruar
Në një referat të publicistit shqiptar, Eugen Shehu, të cilin e paraqiti në nëntor të vitit 2004 në një simpozium shkencor të mbajtur në Tetovë, për herë të parë trajtohej një temë e ndaluar deri më atëherë nga regjimi komunist, që kishte të bëjë me ngjarjet që ndodhën nga fundi i nëntorit të vitit 1944 në Monopolin e duhanit në Tetovë. Atëherë, nga partizanët maqedonas ishin grumbulluar në Monopol mbi 10 mijë burra, pleq e të rinj shqiptarë, një numër i të cilëve ishin keqtrajtuar dhe masakruar. Mirëpo, terrori antishqiptar kishte filluar edhe më herët, sidomos nga shtatori i vitit 1944, para së gjithash në rajonet e Gostivarit, Tetovës, Kumanovës, Shkupit dhe Kërçovës, por shumë shpejt ishte shtrirë në mbarë viset e banuara me shqiptarë të Maqedonisë veriperëndimore.
