Kosovare Asllani e ka udhëhequr si kapitene Suedinë në fitoren ndaj Serbisë në Leskoc.
Suedia mposhti Serbinë me rezultatin 2:0 në ndeshje ne parë të plejofit të kualifikimeve për Evropianin e vitit të ardhshëm.
Asllani lëshoi fushën në minutën e 62-të.
Kosovarja do të ketë një tjetër përballe me Serbinë.
Ndeshjen e kthimit, Suedia ndaj Serbisë e luan më 3 dhjetor në Stockholm nga ora 19:00.
Përfaqësuesja me rezultatin e përgjithshëm më të mirë nga dy ndeshjet, do të kualifikohet në Evropianin 2025.
Kosovare Asllani është prej lojtareve më të rëndësishme të Suedisë dhe nuk ka kaluar pa u komentuar edhe nga mediat në Serbi.
Asllani është kapitene e Suedisë.
Në 103 ndeshje për Suedinë ka shënuar 29 gola dhe ka kontribuar me 25 asistime.
Asllani 35-vjeçare luan për London City Lionesses, ndërsa në të kaluarën ka luajtur për skuadra të mëdha si Milani, Real Madridi, Manchester City e Paris Saint-Germaini.