Sekretari Organizativ i Aleancës për Shqiptarët, Isen Shabani përmes një reagimi ka kundërshtuar deklaratën e kryetarit të ASH-së Arben Taravari për të koalicionuar me LEN-in, duke kërkuar kështu që të respektohet vendimi në fuqi i kryesisë së ASH-së për të shkuar të vetëm në zgjedhje, shkruan Top24
Duke u nisur nga interesimi mediatik dhe i anëtresisë së gjërë, dua tju bëj me dije se Aleanca për Shqiptarët nuk ka shqyrtuar asnjë kërkesë në organet e saj partiake, Këshillin Drejtues, Kryesinë Qëndrore dhe Kuvendin Qëndror në lidhje me koalicionet parazgjedhore. Në fuqi ka një vendim të Kryesisë Qëndrore, i cili është votuar UNANIMISHT për të shkuar të vetëm në zgjedhje. I bëj thirrje Kuvendit të ASH-së që të përmbaj propozimin unanim të Kryesisë i cili është: ALEANCA PËR SHQIPTARËT TË DALË E VETME NË ZGJEDHJET PARLAMENTARE 2024!
Sekretari Organizativ i ASH-së
Isen Shabani