“I kemi votat për qeveri”, “Na provoni”, kështu po janë deklarimet e disa prej akterëve të VV-së ditëve të fundit.
I pari që e filloi këtë është kryeministri Albin Kurti që i kërkoi opozitës ta votojnë Albulena Haxhiun për kryeparlamentare, që ta testojnë atë se a i ka votat për qeveri, shkruan lajmi.net
“Ata nuk besojnë që unë nuk i kam 61 vota për kryeministër. Unë iu them atyre ‘me testoni’. Nëse ata besojnë që Albin Kurti s’i ka 61 vota të deputetëve për t’u bërë kryeministër përsëri, e kanë në dorë të më besojnë. Le ta votojnë Albulenën dhe le të më testojnë mua. Nëse unë dështoj, pikërisht kjo do të ishte fitore për ta. Nuk do të ishte fitore për ta duke e bllokuar Kuvendin dhe duke pamundësuar korumin”, kishe deklaruar Kurti për RTK-në ditë më parë.
Të njëjtën mendësi e deklaratë e dëgjuam edhe sot para fillimi të seancës së 21-të për konstituimin e kuvendit.
Deputetja e VV-së, Arbëresha Kryeziu-Hyseni përkundër që tashmë kemi 21 tentime të dështuara për të konstituar kuvendin, deputetja e VV-së tha se VV i ka votat për qeveri, shkruan lajmi.net
“Ne i kemi votat që ta formojmë qeverinë, kjo është arsyeja pse po vazhdon bllokada. Opozita është e vetëdijshme që VV i ka votat për krijimin e qeverisë edhe meqenëse nuk po duan të shohin edhe një Qeveri Kurti duke vazhduar edhe një mandat tjetër, po e mbajnë të bllokuar konstituimin e kuvendit.”, u shpreh Kryeziu-Hyseni.
Por, ajo që po e shohim në realitet është që VV s’po i ka votat për ta zgjedhur kryetare të parlamentit, Albulena Haxhiun. Tashmë kanë kaluar 21 seanca dhe VV po dështon ta ketë shumicën parlamentare.
Opozita po bën thirrje ndaj Kurtit e VV-së që të ketë reflektim për ta ndryshuar kandidaten, që të tejkalohet ky ngërç politikë.
VV po i kërcënon opozitën se nëse nuk e votojnë Haxhiun, atëherë edhe ata mund të mos ua votojnë nënkryetarët për kuvend./lajmi.net/