Dy javë para zgjedhjeve, kryetari i Vetëvendosjes, Albin Kurti, është mburrur për investimet e pushtetit të tij në xhami. Në një postim në Facebook, ai krekoset se përgjatë viteve 2021 – 2025 u investuan 4.73 milionë euro “në trashëgiminë kulturore islame”.
“Aktualisht, punimet e restaurimit po vazhdojnë në Xhaminë Mulla Vesel Guta në Ferizaj, për të cilën kemi ndarë 1.5 milionë euro; në Xhaminë Sudi Efendi në Prishtinë, me investim 600 mijë euro; në Xhaminë e Çokut në Junik, 500 mijë euro; dhe në Xhaminë e Burojës në Skenderaj, për restaurimin e së cilës kemi ndarë 400 mijë euro”, shkroi ai.
Siç shprehet kandidati i VV-së për kryeministër “prioritet i Qeverisë së tij është trashëgimia kulturore fetare”.