Kryetari i Lidhjes Socialdemokrate të Maqedonisë, Venko Filipçe, kritikoi ashpër politikën ekonomike të qeverisë së VMRO-DPMNEM-së.
Filipçe theksoi se VMRO-DPMNE është një shembull i udhëheqjes së politikave të këqija ekonomike që po e shtyjnë vendin në krizë.
“Si e menaxhon VMRO-DPMNE vendin? Aspak. Ata janë një shembull klasik se si nuk drejtohet një vend, me politika të këqija ekonomike. Me çmime që po rriten, pa asnjë iniciativë nga Qeveria dhe pavarësisht të gjitha mekanizmave që kanë për t’i kontrolluar ato. Tregjeve u jepen krahë hapur për të bërë çfarë të duan. Nuk ka iniciativë për të rritur pagat”, tha Filipçe.
Filipçe dënoi deklaratën e Ministres së Financave e cila tha se inflacioni nuk mund të kontrollohet nëse rriten pagat.
“Ministrja e Financave del dhe thotë: nëse rriten pagat, inflacioni nuk mund të kontrollohet. Dhe çfarë u thotë qytetarëve? Të kenë uri që të mos ketë inflacion në këtë vend. Nuk e di se si nuk turpërohet. Nuk e di me çfarë fytyre del ta thotë këtë. Ne i rritëm pagat gjatë krizave më të mëdha”, tha kryetari i LSDM-së, Venko Filipçe.