Kohë më parë shefi i shtabit zgjedhor i kampit vredist efendi Adnan Azizi, deklaroi në një fjalim “patriotik” se ligji për “branitellët” nuk do të kaloj pa u miratuar dhe ai për veteranët e UÇK-së!
Por, shpjegimi që dha mbrëmë “branitelli” Angelov, mbi këtë çeshtje se ligji për “branitellët”do të kaloj pas zgjedhje lokale me qëllim për mos ta dëmtuar VREDI-n, paraqet tradhti të lartë të interesave kombëtarë nga ana e vredistëve në qeverinë e koalicionit.
Me këtë dekonspirim nga ana e Angelovit, i doli era lakrorit të qelbur që kish gatuar VREDI për shqiptarët para fushatës zgjedhore, si një kartë e fortë të pokerit politik, si loja e sajuar patriotike për gjoja me refuzimin e ligjit për “branitellët” vetëm për disa muaj derisa të kryheshin zgjedhjet lokale!
Patriotizmi i stisur i vredistëve në qeverinë e koalicionit, duke luajtur me kartën e nacionalizmit si subjekti që po sjell ndryshim, nuk përkon me realitetin shqiptar, sidomos pas dekonspirimit ngs ana e “branitellit” Angelov për ligjin mbi “branitellët”, nxjerr në pah të palarat e vredistëve si mashtrues që nuk përfaqësojnë më interesat e shqiptarëve, por të qeverisë dhe të komitëve të VMRO-së!
Ata kanë rënë tashmë në gjirizin e bërsirave të qeverisë së koalicionit, të kredhur deri në fyt me ndyrësira ndaj projekteve antishqiptare të kësaj qeverie duke u nisur që nga defaktorizimi i shqiptarëve si komb e deri te diskriminimi etnik i punësimeve.
Zgjedhjet lokale duhet t’i japin vredistëve përgjigjen e merituar, pasi gënjeshtra nuk mund të qëndroj gjatë kohë pa dalur në sipërfaqe dhe një ditë ajo del, ashtu siç doli fjalimi “patriotik” i efendi Azizit mbi ligjin për “branitellët”!
Medai Shaholli